"Real" Varan uchun 70 mln so'ramoqda. MYU esa 45 mln taklif qilmoqda. Tomonlar kelisha olishmayapti

Rafael Varanning transferi yakunlanganicha yo'q.

As nashrining xabar berishicha, tomonlar hali kelishishga ulgurishmadi. "Real" Varan uchun 70 mln evro so'rayapti. Madridliklar Varanning bozor narxi shuncha deb hisoblashmoqda. "Manchester Yunayted" esa futbolchiga bonuslar bilan birga 45 mln evrodan ko'p to'lamoqchi emas. Varanning shartnomasi bir yildan so'ng o'z yakuniga etadi. 

"Real" futbolchini arzonga qo'yib yubormoqchi emas. Agar transfer o'xshamay qoladigan bo'lsa, "Real" himoyachi bilan yangi shartnoma imzolashga harakat qilib ko'radi.