Marselo "Real" sardori etib tayinlandi

"Real" yangi sardori himoyachi Marselo bo'ldi.

Bu haqda jurnalist Fabricio Romano xabar bermoqda.

33 yoshli braziliyalik futbolchi 2007 yildan beri Madrid klubida harakat qiladi. Uning amaldagi shartnomasi 2022 yilning iyuniga qadar mo'ljallangan.

Oldinroq, "Real" sardori himoyachi Serxio Ramos bo'lgan edi. 35 yoshli futbolchi 2005 yildan beri klubda faoliyat olib bordi va yaqinda "qaymoqranglilar"ni erkin agent maqomida tark etdi.