Anchelotti Beylning "Real"dagi kelajagi haqida: "Agar motivaciya bo'lsa, u ajoyib mavsum o'tkazadi"

"Real" yangi bosh murabbiyi Karlo Anchelotti "Tottenxem"da ijara asosida o'ynagan yarim himoyachi Garet Beylning kelajagi haqida gapirdi.

"U APLda ko'p o'ynamadi, ammo ko'p gol urdi (20ta o'yinda 11ta gol). U so'nggi o'yinlarda ancha samarali bo'ldi va barqarorlikka erishdi.

Men uni yaxshi bilaman (Anchelotti Beyl bilan 2013-2015 yillarda "Real"da ishlagan). Agar unda motivaciya bo'lsa, u ajoyib mavsum o'tkazishi mumkin - men bunga shubha qilmayman", - deydi Anchelotti.

Anchelotti "Real"ga kelguniga qadar berilgan xabarlarga ko'ra, Madrid klubi Beylni sotmoqchi. Uning Madrid grandi bilan tuzgan shartnomasi 2022 yilning 30 iyuniga qadar mo'ljallangan.