Zidan: "Menga barchasi yoqdi, nafaqat gollar, balki..."

"Real" bosh murabbiyi Zinedin Zidan "Granada"ga qarshi o'yindan so'ng (4:1) o'z fikrlarini bildirib o'tdi.

"Biz o'z ishimizni qilishda davom etamiz. Mavsum tugashiga yana ikkita o'yin qoldi. Qo'limizdan kelgan barchasini qilamiz. 

Marselo bilan tushunmovchiliklar? Yo'q. Unda ozgina muammolar bor. SHuning uchun biz bilan o'yinga kelmadi. Bori shu. 

Menga bugun barchasi yoqdi. Nafaqat gollar, balki himoyada qanday o'ynaganimiz ham. 2:1 vaqtida biz tempni tushirmadik va yana gol urdik. Bu jamoa xarakterini ko'rsatib turibdi. 

Kurtua ajoyib seyvlar qildi. Biz kuchli raqibga qarshi qiyin maydonda yaxshi g'alabaga erishdik", - dedi Zidan.