Asensio Zidan bosh murabbiylikda qolsa, "Real"dan ketadi

Madridning "Real" klubi xavbeki Marko Asensio yozgi transfer oynasida klubini o'zgartirish haqida o'ylamoqda.

Yarim himoyachi bosh murabbiy Zinedin Zidan qo'l ostida o'yin amaliyotidan norozi. Agar franciyalik mutaxassis jamoa rulida qolsa, Asensio transfer bo'yicha so'rov beradi. O'yinchining faoliyatini davom ettirishi mumkin bo'lgan klublar orasida "Yuventus" ham bor.

Marko Madrid jamaosida 2015 yilning yozidan beri o'ynaydi. Uning shartnomasi 2022/23 yilgi mavsum so'nggiga qadar mo'ljallangan.

Asensio joriy mavsum La Liga doirasidagi 32ta o'yinda maydonga tushib, 5ta gol va 2ta assist qayd etdi.