Messi 15 yil ichida ilk marta Madrid klublariga qarshi bahslardan birorta gol urolmadi

La Liga 35-turida “Barselona” o'z maydonida Madridning “Atletiko”si bilan golsiz durangga imzo chekdi.

Jurnalist Pedro Martinning Tvitter sahifasida yozilishicha, “Barselona” hujumchisi Lionel Messi 15 yil ichida ilk marta La Liga bellashuvlarida Madrid klublari darvozasiga gol ura olmadi. Bu holat ilk marta 2005-2006 yilgi mavsumda kuzatilgandi. Joriy mavsumda “Barselona” Madrid jamoalariga qarshi bellashuvda atigi ikkita gol urishga erishdi. “Real” darvozasiga kiritilgan gollarga Ansu Fati va Oskar Mingeza mualliflik qiligan.