Messi bu mavsum "Real" va "Atletiko" bilan o'yinlarda golli harakatni amalga oshirmadi

"Barselona"ning argentinalik hujumchisi Lionel Messi ushbu mavsumda "Real" va "Atletiko"ga qarshi o'yinlarda samarali harakat qilishning uddasidan chiqmadi.

Messi birinchi va ikkinchi davradagi "Real" (1:3, 1:2) va "Atletiko" (0:1, 0:0) ga qarshi o'yinlarda na gol urdi, na golli pas uzatdi.

33 yoshli Messi ushbu mavsumda "Barselona" tarkibida barcha musobaqalarda 45 o'yin o'tkazib, 36 ta gol urdi va 14 ta golli uzatmani qayd etdi. Uning klub bilan shartnomasi 2021 yilning yozigacha amal qiladi.