Florentino Peres futbolchilar "oltin dubl" qayd etsa 50 mln yevro va'da qildi

Madridning "Real" klubi futbolchilar Ispaniya chempionati va Chempionlar Ligasida zafar quchishsa munosib tarzda taqdirlanishi kutilmoqda.

Prezident Florentino Peres futbolchilarga ikki turnirda g'alaba qozonsa 50 mln yevro mukofot puli ajratishga va'da berdi. Buni prezident jamoa sardori Serhio Ramos va braziliyalik himoyachi Marselo bilan suhbatda aytib o'tgan.

Ushbu pul mukofoti 24 nafar futbolchiga taqdim etiladi. Bosh murabbiy Zinedin Zidan esa 2 mln mukofot puli, bosh murabbiy yordamchilari va jamoa a'zolari (fizioterapevt, shifokor) 3 mln yevroni bo'lashib olishadi.

Hozirning o'zida "Real Madrid" Chempionlar Ligasi finaligacha yetib kelgani uchun UEFAdan 39,7 mln yevro mukofot olgan. Agarda finalda ham zafar quchsa yana 15 mln yevro oladi, mag'lub bo'lsa 11 mln.