Ramos va Mendi "CHelsi" bilan o'ynashi mumkin. Varan ertaga MRTdan o'tadi

Madridning "Real" klubi ECHL yarim finali doirasidagi "CHelsi"ga qarshi javob o'yiniga tayyorgarlik ko'rmoqda.

"Marca" nashri xabariga ko'ra, bugun Ferlan Mendi hamda Serxio Ramos mashg'ulotlarda to'p bilan va to'psiz ishlashgan. Ular "aristokratlar" bilan o'yinda maydonga tushishlari mumkin.

Yarim himoyachi Federiko Valverde esa koronavirus uchun yana bir bor test topshirgan (natijasi ertaga chiqadi). 

"Osasuna"ga (2:0) qarshi o'yinda jarohat olgan Rafael Varan ertaga MRTdan o'tadi. SHundan keyin shikastlanish darajasi oydinlashadi.

Eslatib o'tamiz, "Real" va "CHelsi" o'rtasidagi uchrashuv 5 may kuni Londonda bo'lib o'tadi. Dastlabki o'yinda tomonlar bittadan gol urishgan edi.