Sobiq hakam Anduxar Oliver Benzemaning goli haqida: "Kazemiro Aspilikuetaga nisbatan qo'pollik ishlatgandi"

Sobiq hakam Anduxar Oliver "Real" forvardi Karim Benzemaning ECHL yarim finali birinchi bellashuvida urgan goli haqida gapirdi.

Uchrashuvning 29-daqiqasida Marselo jarima maydoniga Kazemiroga uzatmani amalga oshirdi, u esa boshi bilan to'pni Eder Militaoga tashlab berdi. Himoyachining boshiga tegib to'p Benzemaga borib tushdi va franciyalik gol urib, muvozanatni tikladi. O'yinni boshqarib borgan hakam Danni Makkeli golni hisobladi.

"Gol inobatga olinmasligi kerak edi. Kazemiro Aspilikuetaga nisbatan qo'pollik ishlatgandi. U to'pni Militaoga tashlab berishdan avval, raqibining ustiga chiqib ketdi", – dedi sobiq-referi.