Kroos "Real"ga "CHelsi"ga qarshi o'yinda yordam beradi

Yarim himoyachisi Toni Kroos Madridning "Real" klubiga CHempionlar Ligasi yarim final "CHelsi"ga qarshi ilk o'yinda yordam bera oladi.

Bu haqda jurnalistlar bilan suhbatda jamoa bosh murabbiyi Zinedin Zidan aytib o'tdi. Eslatib o'tamiz, germaniyalik xavbek so'nggi ikkita o'yinda jarohati bois ishtirok eta olmadi, ammo u ayni damda umumiy guruhda shug'ullanmoqda.

Zidan bo'lajak o'yinda qanot himoyachisi Ferlan Mendi o'tkazib yuborishini aytdi. Katta ehtimol bilan uning o'rnini Marselo egallaydi.

"Real" va "CHelsi" o'rtasidagi o'yin 27 aprelda Madridda bo'lib o'tadi. Bahs Toshkent vaqti bilan soat 00:00da boshlanadi.