"Real" va Modrich shartnomani 1 yilga uzaytirish borasida kelishuvga erishishdi. O'yinchi maoshini pasayishiga rozi bo'ldi

Yarim himoyachisi Luka Modrich yana bir mavsum "Real"da to'p tepadi.

Tomonlar shartnomani 2022 yilning yoziga qadar uzaytirish borasida kelishuvga erishishdi. 35 yoshli o'yinchi "qaymoqranglilar" tomonidan taklif qilingan maosh kamayishiga rozi bo'lishdi.

Xorvat "Real"da 9 mavsum o'ynadi. Futbolchi bu vaqt davomida klub libosida 383ta o'yinda maydonga tushib, 26ta gol va 61ta assist qayd etdi.

Modrich Madrid jamoasi safida 4 bor CHempionlar Ligasini yutdi va 2 bor Ispaniya chempioniga aylandi. 2018 yilda esa "Oltin to'p"ni qo'lga kiritdi.

Luka faoliyatini "Real"da yakunlashni va shundan so'ng Madridda yashashni davom ettirishni xohlaydi.