PSJ, "Inter" va "Real" Lingardni kuzatmoqda

"Vest Xem"da ajoyib o'yinlar ko'rsatayotgan Jessi Lingardning harakatlari etiborsiz qolmayapti.

Futbolchini PSJ, "Inter" va Madridning "Real" klubi kuzatmoqda. Lingard "Manchester Yunayted"dan xarid qilishga "Vest Xem"ning o'zi ham qiziqmoqda, ammo angliyalik hali kelajagi borasida qaror qabul qilmadi.

28 yoshli yarim himoyachi "Vest Xem" libosida joriy mavsum 12ta o'yinda maydonga tushib, 8ta gol va 4ta assist qayd etdi.

Uning MYU bilan tuzgan shartnomasi 2022 yilning 30 iyuniga qadar mo'ljallangan.