Yuklab olish«Real» bosh murabbiyi Zinedin Zidan Evropa Chempionlar Ligasi ¼ final dastlabki bahsi doirasida «Liverpul»ga qarshi kechadigan o'yin oldidan o'z fikrlari bilan o'rtoqlashdi.
"O'ylashimcha, bizga halitdan etarlicha baho berishmayapti. Men o'z jamoamga butkul ishonaman, biroq atrofdagilarning bizga bo'lgan munosabatini o'zgartira olmaymiz. Biz kurashishga qodirmiz, bu bizning kuchli tomonimiz. «Liverpul»ga qarshi o'yin juda qiyin bo'ladi, biroq biz kurashamiz. Bizga har bir o'yinchi zarur.
Klopp — buyuk murabbiy. Unda tajriba bor, u «Liverpul»da qoyilmaqom ishlarni qildi. Biroq har bir jamoaning kuchli tomonlari bor. «Liverpul»ning yo'qotishlari? Bu ularga muammo bo'ladi, deb o'ylamayman, mersisaydlarda boshqa futbolchilar ham bor. Bizda ham ko'pchilik safdan chiqqan, biroq biz jamoa sifatida kuchlimiz. Har safar kimdir etishmaydi", — dedi Zidan.
«Real» — «Liverpul» uchrashuvi Toshkent vaqti bilan 6 apreldan 7 aprelga o'tar kechasi 00:00 da boshlanadi.
Online
Bosh sahifaga