Benzema "Real"ning La Ligadagi to'purarlari orasida to'rtinchi o'ringa ko'tarilib oldi

"Real" hujumchisi Karim Benzema "Eybar" bilan o'yinda (2:0) gol urdi.

"Gracenote Sports" xabariga ko'ra, 33 yoshli franciyalik 187-golini urdi va La Ligadagi "Real" to'purarlari ro'yxatida Karlos Santilyanani ortda qoldirib, to'rtinchi o'ringa joylashdi.

Endilikda Benzemadan oldinda Alfredo Di Stefano (216), Raul (228) va Krishtianu Ronaldu (311) turibdi.

Eslatib o'tamiz, Benzema 2009 yildan beri "Real" sharafini himoya qilib kelmoqda.