Markizio: "Benzema 2010 yilda "Yuventus"ga o'tishga yaqin edi"

"Yuventus" sobiq yarim himoyachisi Klaudio Markizio "Real" forvardi Karim Benzemaning 2010 yilda "keksa sinora" safiga o'tishga yaqin bo'lgani haqida aytdi.

"Ha, bu haqiqat, Benzema "Yuventus"ga o'tishga yaqin edi, o'sha yili CHiro Ferrara murabbiy bo'lgandi.

U bilan "Real"da hammasi ham o'xshamadi, klub u yoki Gonsalo Iguaindan birini sotishni aniqlab olishi kerak edi. Yakunda ikkisi ham qoldi, bir necha yillar o'tib Iguain "Napoli"ga o'tdi. Karim haqiqatdan ham yozda "Yuventus"ga o'tishga juda yaqin edi, ammo afsuski bu amalga oshmadi. Ammo bu ro'y berishi mumkin edi", - deydi Markizio.

33 yoshli Benzema "Real" safida umumiy 545ta o'yinda maydonga tushib, 272ta gol urishga erishdi.