Yuklab olish"Liverpul" yozgi transfer oynasida himoya markazini kuchaytirish haqida o'ylamoqda.
Mersisayd jamosi himoyaning markazida ham, qanotda ham o'ynay oladigan tajribali futbolchini sotib olmoqchi.
Klubning skautlar bo'limi Chempionlar Ligasi chorak finalida "Real" himoyachisi Xose Ignasio Nachoni diqqat bilan kuzatishni rejalashtirmoqda. Angliya klubi rahbariyati uni ko'p qirraliligi, tajribasi va nisbatan arzonligi sababli ustuvor variant deb biladi.
Ma'lumot o'rnida, joriy mavsumda Xose Ignasio Nacho barcha musobaqalarda Madrid jamoasi bilan 20 o'yin o'tkazdi. Futbolchining "qaymoqranglilar" bilan tuzgan shartnomasi 2022 yil 30 iyungacha amal qiladi.
Eslatib o'tamiz, "Real" - "Liverpul" juftligining birinchi o'yini 6 aprel kuni bo'lib o'tadi. Javob uchrashuvi esa 14 aprel sanasiga belgilangan.
Online
Bosh sahifaga