Ramos va Azar umumiy guruhda shug'ullanishmoqda

Serxio Ramos va Eden Azar "Real"ning umumiy guruhdagi mashg'ulotlarida ishtirok etishmoqda.

Bu madridliklarning klub televideniyasida qo'yilgan videoda ham aks etgan. Ramos va Azar "qaymoqranglilar" umumiy guruhida ketma-ket ikkinchi kun shug'ullanishmoqda.

Hali Ramos va Azarning Ispaniya chempionati doirasida ertaga bo'lib o'tadigan "Elche"ga qarshi o'yinda harakat qilishi yoki qilmasligi aniq emas. Bundan tashqari ikki futbolchi ham kelasi haftada bo'lib o'tadigan "Atalanta"ga qarshi CHL o'yinigacha tayyor bo'lishlari kerak.

"Real" ayni damda Ispaniya chempionati jadvalida 3-o'rinda bormoqda.