Zidan "Real"da Maxrezni ko'rmoqchi

"Manchester Siti" hujumkor yarim himoyachisi Riyod Maxrez faoliyatini La Ligada davom ettirishi mumkin.

30 yoshli jazoirlik vingerga Madridning "Real" klubi qiziqish bildirmoqda. "Galaktikos"ning asli kelib chiqishi jazoirlik bo'lgan ustozi Zinedin Zidan Maxrezni xarid qilishni xohlamoqda.

Riyod 2018 yildan beri "Manchester Siti"da o'ynaydi. Uning klub bilan tuzgan shartnomasi 2022/23 yilgi mavsum yakuniga qadar mo'ljallangan.

Vinger joriy mavsum APL doirasidagi 22ta o'yinda maydonga tushib, 7ta gol va 4ta assist qayd etdi.