Edegor "Real"ga 16 yoshda o'tgani haqida: "Nima bo'lganini ham tushunmaganman. Bunday katta klubga tayyor bo'lish kerak"

"Arsenal"da ijara asosida o'ynayotgan "Real" yarim himoyachisi Martin Edegor 16 yoshda Madrid klubiga o'tgani haqida gapirdi.

"Bu jinnilik bo'lgandi, rostdan. Men buni unchalik tushunmaganman, sababi bola edim. Ammo, sizni "Real" chorlasa, doim o'tish uchun katta xohish paydo bo'ladi.

Mening o'zimdan kutayotganim boshqalar kutayotganidan yuqori. O'zingdan qoniqish hosil qilish - doim eng qiyini. Albatta, odamlar doim "Real" o'yinchisidan ko'p narsa kutishadi. Qachonki sen bunday katta klubga tushsang, sen bunga tayyor bo'lishing kerak", - deydi Edegor.

"Real" futbolchini 2015 yilda xarid qilgan va shundan so'ng yoshlar jamoasida o'ynatgan, shuningdek "Arsenal"dan tashqari "Xerenven", "Vitess" va "Real Sosedad" klublariga ijaraga bergan.