Koke: "Biz yaxshiroq o'ynadik, ammo "Real" har qanday vaziyatda gol urishi mumkin"

"Atletiko" yarim himoyachisi va sardori Koke La Liga 26-tur doirasidagi "Real"ga qarshi o'yin haqida o'z fikrlarini bildirib o'tdi.

"Atletiko" to'purari Luis Suares 15-daqiqada hisobni ochdi. Ammo, 88-daqiqada Karim Benzema "Real"ni mag'lubiyatdan qutqarib qoluvchi golga mualliflik qildi.

"Biz yaxshiroq edik. Ammo "Real" har qanday vaziyatda gol urishi mumkin. Biz gollar ura oladigan o'yinchilari etarli bo'lgan yaxshi jamoa bilan o'ynadik. Bu safar "Real" o'zining o'yindagi yagona imkoniyatidan foydalanib ketdi va hisobni tenglashtirdi", - deydi Koke.

"Atletiko" "Real"dan bitta kam o'yin o'tkazgan va 59 ochkoga ega, "qirollik klubi" esa 54 ochko bilan uchinchi o'rinda.