Asensio - debyutlar qiroli

Ispan barcha debyut turnirlarda gol kiritib kelmoqda.

Marko Asensio - "Real Madrid" tarkibida rasmiy debyut o'yinida gol kiritganidan xabaringiz bor. 20 yoshli futbolchi "qaymoqrang"lilar tarkibida har bir turnirda debyut o'yinida to'p kiritib kelmoqda. O'tgan yili ispaniyalik futbolchi UEFA Superkubogida chamasi 30 metrlardan "Sevilya" darvozasiga to'p kiritgan edi. 

Ispaniya primerosida esa "Madrid" libosida dastlabki o'yinda "Real Sosedad"ga gol urgan. Qirol kubogi debyut o'yinida "Kultural Leones" va Chempionlar Ligasida "Legiya" darvozasini ishg'ol etgan. Yana bir bor qaytaramiz yuqoridagi jamoalarga kiritgan gollar bari turnirdagi debyut o'yinga to'g'ri kelmoqda.

Hozircha Asensio o'tgan mavsum Klublar o'rtasidagi jahon chempionatida maydonga tushmadi va shuningdek, Ispaniya Superkubogida ham ishtirok etib ko'rmagan.