"Real" prezidenti koronavirusdan tuzaldi

Madridning "Real" klubi prezidenti Florentino Peres koronavirus infekciyasidan tuzaldi.

Bu haqda "qirollik klubi" matbuot xizmati xabar berdi. Rahbarning so'nggi ikki kunda topshirgan barcha testlari manfiy chiqqan.

Qayd etish kerakki, Florentino jamoa bilan CHL 1/8 final doirasidagi "Atalanta"ga qarshi ilk o'yinni ko'rish uchun Bergamoga uchmaydi.

Eslatib o'tamiz, "Atalanta" va "Real" o'rtasidagi o'yin ertaga bo'lib o'tadi.