Karim Benzema "Milan"ga o'tishi mumkin

33 yoshli franciyalik forvard Karim Benzema Madridning "Real" klubidan ketishi va faoliyatini Italiya A Seriyasida davom ettirishi mumkin.

Futbolchi bilan shartnoma imzolashga "Milan" qiziqish bildirmoqda. Klub Benzemani 39 yoshli Zlatan Ibragimovich o'rniga olib kelmoqchi.

Karimning "qirollik klubi" bilan tuzgan shartnomasi 2022 yilning o'rtalariga qadar mo'ljallangan. Tomonlar hali shartnomani uzaytirish borasida kelishuvga erishishmagan.

O'yinchi 2009 yildan beri "galaktikos" sharafini himoya qiladi. Benzema joriy mavsum La Ligada 21ta o'yinda maydonga tushib, 12ta gol va 5ta assist qayd etdi.