"Atalanta" ustozi: Ertadan "Real" haqida o'ylashni boshlaymiz

Bergamoning "Atalanta" klubi bosh murabbiyi Jan Pero Gasperini "Kalyari" (1:0) bilan o'yindan keyin o'z fikrlari bilan o'rtoqlashdi.

"Muriel va penalti, mana shu vaziyatlar o'yin taqdirini hal qildi. Yaxshiyamki, bizda VAR bor, u penaltini bekor qildi. 

Bu juda ham qiyin o'yin bo'ldi. CHunki "Kalyari" yaxshi shakllangan jamoa, ularda jismonan baquvvat, tajovuzkor futbolchilar bor.

Ertadan "Real" bilan o'yin haqida o'ylashni boshlaymiz. "Qirollik klubi"ning o'yinlarini ko'rdik. Madrid klubi ayni paytda yomon formada bo'lishiga qaramay, texnikasi yuqori bo'lgan tezkor futbolchilarga ega.

Bu "Atalanta" uchun juda muhim o'yin. CHempionlar Ligasida g'alaba qozonish uchun harakat qila olmaymiz, ammo nufuzli musobaqada tajriba orttirib, A Seriyada qo'llashimiz mumkin", dedi italiyalik mutaxassis.

Malumot uchun, "Atalanta" va "Real" o'rtasidagi uchrashuv 24 fevral oqshomida o'tkaziladi.