"Arsenal" Sebalosni "Real"dan to'liq sotib olishi mumkin

Londonning "Arsenal" klubi yarim himoyachi Dani Sebalosni sotib olish huquqidan foydalanish haqida o'ylamoqda.

Sky Sports xabariga ko'ra, inglizlar 24 yoshli yarim himoyachining transferi uchun 25 million evro ajratishga tayyor.

Eslatib o'tamiz, ispaniyalik futbolchi "kanonirlar" safida 2019 yil yozidan beri ijarada o'ynamoqda. Uning hisobida 61 uchrashuvda 2 ta gol va 3 ta golli pas bor.

Sebalosning transfer qiymati 32 million evroga baholanmoqda. Uning "Real" bilan shartnomasi 2023 yil iyunigacha mo'ljallangan.