Mourinyu “Real” sardorini "Tottenxem"da ko'rmoqchi

Bu haqda Daily Mirror nashri Evening Standard’ga tayanib xabar bermoqda.

Manbaga ko'ra, “shporlar” ustozi Joze Mourinyu o'z jamoasida sobiq shogirdi Serxio Ramosni ko'rmoqchi. Ramosning madridliklar bilan amaldagi shartnomasi 2021 yil yozida tugaydi va agar u “Real” bilan kelishuvni uzaytirmasa erkin agentga aylanadi. Ispaniyalik himoyachi bilan PSJ va APLning boshqa klublari ham qiziqmoqda.

U 2005 yildan beri “qirollik klubi” sharafini himoya etib kelmoqda. 34 yoshli futbolchi joriy mavsum barcha musobaqalarda 15 ta o'yinda maydonga tushib, 3+1 natija ko'rsatdi.

Instagram'dagi maxsus @angliyafutboli sahifamizga obuna bo'ling!