Zidan: "Azarga biroz o'yin amaliyoti berishni rejalashtiryapman"

"Real" bosh murabbiyi Zinedin Zidan yarim himoyachi Eden Azarni maydonga tushirishga vada berdi.

Belgiyalik futbolchi mehmondagi "Elche"ga qarshi o'yinda o'z imkoniyatini oladi.

- Azar ertaga o'yin uchun qaydnomaga kiradi, men unga biroz o'yin amaliyoti berishni rejalashtiryapman. U bir necha kun davomida jamoa bilan bo'ldi va biz vaziyatdan maksimum foydalanmoqchimiz, - deydi Zidan.

Belgiyalik futbolchi bir oydan beri maydonga tushmayapti. U so'nggi bor 28 noyabr kuni uydagi "Alaves" (1:2)ga qarshi o'yinda harakat qilgan edi. "Granada"ga qarshi oldingi o'yinda esa Azar zaxira o'rindig'ida o'tirdi.