"Liverpul" "Real" va "Valensiya" sobiq o'yinchisi bilan shartnoma imzolashga yaqin

"Real" va "Valensiya" sobiq himoyachisi Esekel Garay katta ehtimol bilan faoliyatini "Liverpul"da davom ettiradi.

34 yoshli argentinalik futbolchi Angliya jamoasi bilan shartnoma imzolashga yaqin. U erkin agent maqomida Mersisayd klubiga o'tadi.

"Liverpul" Virjil Van Deyk va Jo Gomezning jiddiy jarohati sabab qishki transferlar oynasida mudofaa chizig'ini kuchaytirishni rejalashtirmoqda. Klub shuningdek Garayga qo'shimcha sifatida "Real"dan Eder Militao variantini ham ko'rmoqda.

Garay o'tgan mavsum 23ta o'yinda maydonga tushgan edi.