Live  La Liga. "Real Madrid" – "Granada" 0:0 (Matnli translyaciya)

Ispaniya chempionati 15-turidan o'rin olgan uchrashuvda "Real Madrid" o'z uyida "Granada"ni qabul qiladi.

Ushbu sahifada siz uchrashuvning matnli translyaciyasini kuzatib borishingiz mumkin bo'ladi. 

YANGILASH

11-daqiqa. Qanotdan oldinga tashlab berilgan to'pga Kennedi va himoyachi Karvaxal intilishdi, hech bir futbolchi ortda qolishni istamadi, lekin oxirida braziliyalik vinger yiqilib tushib, to'psiz qoldi.  

9-daqiqa. Karim Benzema ortga qaytib, raqibdan to'pni olib qo'yishda bevosita ishtirok etdi. 

7-daqiqa. Benzemadan to'pni qabul qilib olgan Rodrigo bir raqibini dog'da qoldirdi va aniq zarba berdi, darvozabon o'z o'rnida.  

5-daqiqa. Karvaxal to'pni to'xtatishda xatoga yo'l qo'ydi va jamoasi hujumini uzib qo'ydi. 

Burchak to'pidan so'ng to'p Ramosga etkazildi, lekin sardorning zarbasi ko'ngildagidek chiqmadi.

3-daqiqa. "Real"ning javobini kuzatdik. Karim Benzema imkoniyatga ega bo'ldi, zarbasini darvozabon qaytarishga muvaffaq bo'ldi. 

2-daqiqa. Mehmonlar yana bir bor hujumga o'tishga urinib ko'rishdi, lekin Kurtua oldinroqqa chiqib kelib, to'pni egallab oldi. 

1-daqiqa. O'yin boshlandi. Uni "Real" futbolchilari boshlab berishdi. Ilk daqiqadayoq "Qirollik klubi" himoyachilari, aniqrog'i Rafael Varan xatoga yo'l qo'ydi va "Granada" hisobni ochishi mumkin edi, ammo zarba qovushmadi. 

Hakamlar brigadasi maydonga chiqib keldi. Bugun maydonda harakat qiladigan futbolchilar ham ularning ortidan ergashdi. 

"Real Madrid" futbolchilarining chigalyozdi mashg'ulotidan suratlarni etiboringizga taqdim etamiz. 

Jamoalarning asosiy tarkiblari malum bo'lib ulgurgan.

"Real Madrid" – "Granada"

23.45, "Estadio Alfredo Di Stefano" stadioni

"Real Madrid" – Kurtua, Ramos, Mendi, Karvaxal, Varan, Valverde, Kroos, Vaskes, Kazemiro, Rodrigo, Benzema.

"Granada" – Ruy Silva, Valexo, Fulke, Neva, Duarte, Kenedi, Errera, Milya, Eteki, Puertas, Soldado.