"Real" "Lester" yarim himoyachisiga qiziqmoqda

Madridning "Real" klubi "Lester" yarim himoyachisi Yuri Tilemansni nishonga oldi.

Qayd etish kerakki, belgiyalik futbolchi Madrid klubiga o'tish uchun "Manchester Yunayted" va "Tottenxem" klublari takliflarini rad etdi. Transfer 2021 yilning yozida amalga oshishi mumkin.

23 yoshli Tilemans "Lester"da 2019 yilning yanvaridan beri o'ynaydi. Uning Angliya klubi bilan tuzgan shartnomasi 2023 yilning 30 iyuniga qadar mo'ljallangan.

Xavbek joriy mavsum "tulkilar" safida barcha musobaqalarda 18ta o'yinda maydonga tushib, 3ta gol urishga erishdi.