Zidan: “Ularning ikkisiga ham ishonishda davom etaman”

“Real” ustozi Zinedin Zidan himoyachi Marselo va yarim himoyachi Isko haqida gapirdi.

"Ushbu futbolchilarga doimo ishonganman. So'nggi vaqtlarda ular kam o'ynamoqda, ammo mashgulotlarda ular to'liq fidoiylik bilan mehnat qiladi.

Bilaman, ular so'nggi uchrashuvlarda etarlicha o'yin amaliyotiga ega bo'lmayapti, ammo real olganda shunday bo'lishi tabiiy. “Real”da ko'plab futbolchilar bor, bu esa o'yinlarga tarkibni tanlashni qiyinlashtiradi”, deydi francuz.

Avvalroq, Isko qishki transfer oynasida klubni tark etishi mumkinligi, Marseloga esa “Inter” va “Yuventus” qiziqayotgani haqida xabarlar tarqalgandi.