Pol Pogba MYUdan ketganidan so'ng "Real"ga o'tishni xohlamoqda

27 yoshli franciyalik yarim himoyachi Pol Pogba "Manchester Yunayted"ni tark etganidan so'ng faoliyatini Madridning "Real" klubida davom ettirmoqchi.

Pogba anchadan buyon "qirollik klubi"da to'p tepishni orzu qiladi va bunday imkoniyatni qo'ldan chiqarmoqchi emas. "Real"ga o'tish varianti o'yinchining vakillari tomonidan ko'rib chiqilmoqda.

Eslatib o'tamiz, Pol Pogba "Manchester Yunayted"ga 2016 yilning avgustida 105 million evro evaziga o'tgan edi.

Futbolchi joriy mavsum barcha musobaqalarda 19ta o'yinda maydonga tushib, 2ta gol va 2ta assist qayd etdi.