Zidanning kelajagi “Borussiya M” bilan o'yindagi natijaga bog'liq (Cadena Ser)

“Real” CHempionlar Ligasi so'nggi turida “Borussiya M” bilan o'ynaydi.

Agar jamoa mazkur uchrashuvda g'alabaga erisholmasa, madridliklar ustozi Zinedin Zidan istefoga chiqarilishi kutilmoqda.

“Real” 7 ochko bilan “B” guruhida Evropa Ligasiga yo'llanma beruvchi 3-o'rinda turibdi. “SHaxtyor” ham shunday natijaga ega, peshqadam “Borussiya M”da 8 ochko bo'lsa, so'nggi pog'onadagi “Inter”da 5 ochko mavjud. 6-tur oldidan mazkur kvartetdagi barcha jamoalar keyingi bosqichga chiqish imkoniga ega.

Eslatib o'tamiz, “Real” – “Borussiya M” uchrashuvi Toshkent vaqti bilan 10 dekabrga o'tar kechasi soat 01:00 da boshlanadi.