Isko kelajagi borasida bir qarorga keldi

Yarim himoyachi Isko qishki transferlar oynasida jamoadan ketishni istayotganini "Real" rahbariyatiga aytib qo'ydi.

"El Larguero" xabariga ko'ra, 28 yoshli xavbek "qirollik klubi"da kelajagi yo'qligini sezib turibdi. U ushbu mavsumda ko'p ham o'yin amaliyotiga ega bo'lmayapti. SHuningdek, Zinedin Zidan bilan munosabatlar ham yomonlashgan.

Oldinroq klubdagilar ham futbolchining sotilishini rejalashtirayotgani borasida malumotlar tarqagandi. Ispanning transfer narxi 60-70 mln evro atrofida bo'lishi mumkin.

Isko ushbu mavsumda 7 o'yinda qatnashdi. Uning klub bilan shartnomasi 2022 yil yozida yakunlanadi.