"Real" qishda katta transferlarni amalga oshirmoqchi

"Real" qishki transferlar oynasida bir necha xaridlar imkoniyatini ko'rib chiqmoqda.

Madridliklarning bosh transfer maqsadi "Borussiya" (Dortmund) forvardi Erling Xoland hisoblanadi. "Real" o'yinchi uchun 75 mln evro, shuningdek Luka Yovichning ikki yillik ijarasini taklif qilishi mumkin.

"Real" shuningdek "Renn" o'yinchisi Eduardo Kamavingganing xizmatlariga qiziqmoqda. "Qirollik klubi" "Renn"ga 50 mln evroni taklif qilib, bitimga shuningdek Mariano Diasni qo'shishi mumkin.

Xoland "Borussiya"ga "RB Zalcburg"dan 20 mln evro evaziga o'tgan edi. Futbolchi joriy mavsum Germaniya chempionatida 6ta o'yinda maydonga tushib, 6ta gol va 2ta assist qayd etdi.

Kamavinga esa Franciya chempionatida 8ta o'yinda 1ta gol urishga erishgan.