O'zil Ramos haqida: “Eng yaxshi hujumchi”

ECHL 3-turi doirasida o'tgan “Real” – “Inter” (3:2) uchrashuvidan so'ng, Mesut O'zil sobiq jamoadoshi Serxio Ramosni madridliklar libosida yubiley 100 golini urganiga munosabat bildirdi.

“Inter” ishtirokida ajoyib o'yin, ammo Ramos (eng yaxshi hujumchi) va Benzema (muntazam gol uruvchi) yana o'zlarini ko'rsatishdi”, deya tvit qoldirgan xavbek o'z sahifasiga.

Eslatib o'tamiz, “Inter”ga qarshi bahsda hisobni Karim Benzema ochgan, keyin esa Ramos burchakdan uzatilgan to'pni boshi bilan raqib darvozasiga joylab qo'ygandi. G'alaba golini esa zaxiradan o'yinga qo'shilgan Rodrigo urgan.