Yuklab olish«Real» bosh murabbiyi Zayniddin Zidan «Barselona»ga (2:3) qarshi ICC-2017 o'yinidan so'ng, o'z fikrlarini aytdi.
«Biz o'yinni yomon boshladik. Raqib dastlabki 6-7 daqiqa ichida ikkita gol urdi, bu e'tiborsizligimiz natijasidir. Shundan so'ng, o'yinni kuchaytirib, vaziyatni biroz o'nglab oldik. Ammo bu bizning eng yaxshi o'yinimiz emasdi.
Biz yangi mavsumga tayyorgarlik olib bormoqdamiz. Albatta bunday natijalarni kutmagandik, biroq bu hech narsani o'zgartirmaydi. Eng muhimi - 8 avgust kuni o'tkaziladigan Superkubok bahsiga tayyor bo'lish.
Mag'lubiyatdan tashvishda emasman. Yutqazish juda yoqimsiz, biroq muhimi bu emas. Men o'yinimizning ijobiy tomonlarini ham ko'rdim. Salbiy tomonlari ustida esa yanada ko'proq ishlaymiz" - dedi Zidan «Real» klubining rasmiy saytida.
Online
Bosh sahifaga