Kazemiro: "Beyl yaxshi holatda emas"

Madridning "Real" klubi futbolchisi Kazemiro jamoadoshi Garet Beylning holati borasida fikr bildirdi.

"Barcha futbolchilar faoliyatida og'ir damlarni boshidan o'tkazadi. Beyl hozir faoliyatidagi eng yaxshi damlar emasligini juda yaxshi biladi. Biroq, shunga qaramasdan ishlamoqda. Mashg'ulotlarda ter to'kmoqda. U bizning, jamoaning va murabbiylarning qo'llab-quvvatlashiga muhtoj. Beyl biz uchun muhim futbolchi hisoblanadi. U har qanday holatda kutilmagan gollar urib barchani ajablantira oladi. Unga ishonamiz. Garet saviyasi bo'yicha jahonning eng kuchli uch hujumchisidan biri. Lekin, tan olaylik u hozir yaxshi holatda emas",- deydi Kazemiro.