“Real” butun joriy mavsumda La Ligada uzoq masofadan gol o'tkazmadi

“Real” futbochlilari 2019/2020 yilgi mavsum yakunlariga ko'ra, La Liga bahslarida birorta uchrashuvda uzoq masofadan gol o'tkazmadi.

“Qaymoqranglilar” 2003/2004 yilgi mavsumdan buyon bunday natija qayd etgan ilk klubga aylandi.

La Ligada ushbu mavsumda “Real” darvozasi tomon jarima maydonchasi tashqarisidan 28 marta zarba yo'llangan. Tibo Kurtua ushbu zarbalarning 24 tasini bartaraf etgan bo'lsa, yana to'rtta seyv Alfon Areola hisobiga yozilgan.