Xames Rodrigesning o'gay otasi: "Unga dunyoning bir nechta katta klublari qiziqish bildirmoqda. "Real" uni transfer qiladi degan umiddamiz"

"Real" yarim himoyachisi Xames Rodrigesning o'gay otasi futbolchining yozda klubini o'zgartirishi haqida gapirdi.

"Bir necha katta klublar Xames bilan shartnoma imzolashni xohlashmoqda. U eng yaxshi o'yinchilardan biridir va u har qanday jamoada muhim rol o'ynashi mumkin.

"Real" transfer qiladi degan umiddamiz", - deydi Restrepo.

Oldinroq, Xamesning "Atletiko"ga o'tishi deyarli hal bo'lgani aytilgandi. Futbolchi "Real"ga 2014 yilda o'tgan va jamoa safida 125ta o'yinda maydonga tushib, 37ta gol urishga erishgan.