"Real" Mbappe uchun 160-180 mln yevro to'laydi

"Real Madrid" "Monako" hujumchisi Kilian Mbappe transferini kelishib oldi, deya xabar beradi Marca nashri.

Madridliklar Mbappe uchun 160 mln yevro to'lashadi va yana 20 mln yevro bonus sifatida knyazliklarga taqdim etiladi. Boshqa bir xabarga ko'ra esa "Real" 150 mln + 30 mln yevro bonus ko'rinishida to'lanishi ko'rsatilgan.

Bu bilan 18 yoshli futbolchi futbol tarixida eng qimmat futbolchi unvonini Pol Pogbadan (105 mln yevro) tortib olishi mumkin. Endilikda "Madrid" va "Monako" transferni barcha detallarini hal eta olishsa, Mbappe "Real" bilan 6 yillik shartnoma imzolaydi va yiliga 7 mln yevro maosh oladi.