Vaskes: "Umid qilamanki, 11 finalda g'alabaga erishamiz"

"Real" yarim himoyachisi Lukas Vaskes mashg'ulotlarning qayta boshlangani va klubning rejalari haqida gapirdi.

"Futbol bir necha faktorlardan iborat: jismoniy, shuningdek, eng muhimi - ruhiy. Ularning aralashuvi esa yaxshi holatda mavsumni qayta boshlashga turtki beradi.

Oldimizda 11 final bor, "Eybar"ga qarshi o'yin esa asosiy nuqta bo'lib turibdi. Umid qilamanki, oldimizdagi 11 finalda g'alabaga erishib, LaLiga sovrinini yutamiz", - dedi Vaskes.