Yuklab olish"Real" klubi Evropa chempionlar ligasi va Ispaniya chempionatining ushbu mavsumida g'oliblikni qo'lga kiritsa, futbolchilar yaxshigina mukofot oladigan bo'lishdi.
"Marca" tarqatgan xabarga ko'ra, jamoa har ikkala sovrinni qo'lga kiritadigan bo'lsa, rahbariyat har bir o'yinchiga 720 ming evro miqdorida mukofot puli to'lab beradi. Bu orqali futbolchilar koronavirus pandemiyasi paytida maoshlarning qisqartirilishi bilan bog'liq kamomadni qoplab olishlari mumkin.
"Real" La liganing 27-turidan keyin jadvalda 2-o'rinni egallab turibdi. Zidan jamoasi peshqadam "Barselona"dan 2 ochko ortda qolmoqda.
"Qirollik klubi" Chempionlar ligasi nimchorak final bosqichi doirasida dastlabki o'yinni o'z uyida "Manchester Siti"ga qarshi o'tkazib, 1:2 hisobida imkoniyatni boy bergan.
Online
Bosh sahifaga