Agent: "Xakimi "Real"ga qaytadi va o'z poziciyasida dunyoning eng zo'r o'yinchisi bo'ladi"

"Real" himoyachisi Ashraf Xakimining agenti Alexsandro Kamano Dortmundning "Borussiya" jamoasida ijarada o'ynayotgan mijozi haqida gapirdi.

"Ashraf Madridga qaytadi. U o'z poziciyasi bo'yicha dunyoning eng kuchli futbolchisi bo'ladi", - deydi agent.

Oldinroq, Xakimiga "Yuventus", "Bavariya", PSJ, "Arsenal", "CHelsi" va "Tottenxem" klublari qiziqayotganligi xabar qilingan edi.

21 yoshli himoyachi joriy mavsum Bundesliga doirasidagi 26ta o'yinda maydonga tushib, 3ta gol va 10ta assist qayd etdi.