Di Mariyaning rafiqasi: "MYU katta pul taklif etdi, "Real" esa bizni yollanma ishchilar deb atadi"

PSJ vingeri Anxel Di Mariyaning xotini Jorjelina Kardoso erining "Real"dan MYUga o'tgani haqida gapirdi.

"Men Anxelning dunyodagi eng zo'r klubda o'ynagan deb hisoblayman. Hammasi ideal edi: ajoyib ob-havo, ovqatlar.

Ammo Anxel mening oldimga kelib: "Manchester Yunayted"dan taklif tushdi" dedi. Men esa unga hech qaerga bormasligimni aytdim, u esa men rozi bo'lsam, o'zi yolg'iz ketishini aytdi.

"Yunayted" katta mablag' taklif qilgandi, "Real" esa bizni yollanma ishchilar deb atagan. Ha, biz shunday edik.

Agar siz kompaniyada ishlasangiz va raqibingiz kelib, ikki baravar ko'p maosh taklif qilsa, siz o'sha erga yo'l olasiz", - deydi Kardoso.