Marselo: "Real"dan ketishni xohlamayman"

Madridning "Real" klubi himoyachisi Marselo tez orada jamoani tark etishi mumkinligi haqidagi mish-mishlarga izoh berdi.

"Ancha vaqtdan beri "Yuventus" bilan shartnoma imzolashim haqida eshityapman. Odamlar juda ko'p narsalarni o'ylab topishadi. "Real"dan ketishni xohlamayman va klub meni sotadi deb o'ylamayman. Bu erda menga hammasi maqul. Boshqa jamoalar menga qiziqish bildirayotgani yoqimli, lekin "Yuventus" haqida hech narsa bilmayman", - dedi Marselo instagramdagi to'g'ridan-to'g'ri efir paytida.