Yuklab olish«Milan» hamon «Real» hujumchisi Alvaro Moratani qo'lga kiritishdan umidvor.
Ispaniyaning Cadena Cope radiostantsiya tarqatgan xabarga ko'ra, milanliklar 24 yoshli futbolchi uchun 70 million evro emas, 75 mln evro va qo'shimcha 10 mln evro bonus taklif taklif qilishgan. «Real» esa hujumchi uchun 90 mln evro talab qilmoqda.
Madridliklar Moratani yana bir mavsum o'z saflarini olib qolishlari mumkin, ammo futbolchining o'zi "Real"ni tark etishga qaror qilgan. Alvaro klubni tark etsa, "Qirollik klubi" safida 3 nafar nominal hujumchi – Krishtianu Ronaldu, Karim Benzema va Borxa Mayoral qoladi. Ulardan tashqari "qaymoqranglilar" safida hujumkor yarim himoyachilar Garet Beyl, Lukas Vaskes, Marko Asensio va Isko bor. Shu bois, Morata "Madrid"ni tark etsa ham klub boshqa hujumchi izlamaydi.
Online
Bosh sahifaga