Hakimiy kutilmagan bayonot berdi

Huquqiy jihatdan «Real»ga tegishli bo'lgan Dortmundning «Borussiya» klubi himoyachisi Ashraf Hakimiy o'zining kelajagi borasida fikr bildirdi.

Yuklab olish

Huquqiy jihatdan «Real»ga tegishli bo'lgan Dortmundning «Borussiya» klubi himoyachisi Ashraf Hakimiy o'zining kelajagi borasida fikr bildirdi.

«Mening «Real» bilan shartnomam? Bu ish bilan agent shug'ullanyapti. Lekin vaziyatdan xabardor emasman. Kelishuv jarayoni qachon yakunlanishini bilmayman.

Iyun oyida qaror qabul qilaman. Bu esa faoliyatimdagi katta qadam bo'ladi. Men yangi shartnoma borasida «Real» bilan gaplashmadim. Tez orada buni ham muhokama qilamiz», – dedi Hakimiy.

Avvalroq Hakimiyga «Yuventus», «PSJ», «Bavariya», «Chelsi», «Tottenxem» va «Arsenal» klublari qiziqish bildirayotgani haqida xabar tarqatilgan edi. Shu bilan birgalikda, «Borussiya» marokashlik futbolchini saqlab qolishni istamoqda.

21 yoshli futbolchi ushbu mavsumda dortmundliklar safida Bundesliga doirasida 25ta o'yinda maydonga tushib, 3ta gol urdi va 10ta golga uzatma berdi.

BestMaster
13 Aprel 2020, 21:00
hakimiy, kutilmagan, bayonot, berdi,