Sebalyos transfer Kovachich uchun vaziyatni qiyinlashtiradi

Xorvatiyalik futbolchining kelajagi so'roq ostida.

Ispaniyalik futbolchi Dani Sebalyosning "Real Madrid"ga o'tishi jamoada ba'zi futbolchilarining o'rnini pasaytirib yuborishi kutilmoqda. Hozirgi kunda klubda markazda o'ynay oladigan 7 nafar yarimhimoyachi mavjud. Asosiy tarkibda Kroos, Modrich va Kazemironing maydonga tushish aniq bo'lsa qolganlar (Isko, M. Llorente, Kovachich, Sebalyos) yuqoridagi triodan asosiy tarkibni tortib olishga harakat qiladi.

Yuqorida asosiy tarkib uchun kurash olib boradigan futbolchilar ichida eng kam o'yin amaliyoti Mateo Kovachichga berilishi kutilmoqda. Sababi oldinlari Kovachich Luka Modrich o'rinbosari sifatida qaralayotgan bo'lsa, endilikda "yangi Modrich" deya 20 yoshli Sebalyos qaralmoqda. Bu esa Kovachich bilan vaziyatni chigallashtirib yuboradi.

Hozirning o'zida Kovaga "Tottenxem", "Inter", "Milan" va "Napoli"dan qiziqishlar bo'ldi. Futbolchining o'zi esa "Madrid"da qolishni xohlaydi. "Qirollik klubi" ham 23 yoshli futbolchiga aniq bir taklif bo'lmasa uni sotib yuborish fikridan yiroq.